काठमाडौं, १ असोज । काठमाडौंमा असोज ४ गतेदेखि कोरोनाविरुद्ध चिनियाँ भेरोसेलको दोस्रो डोज खोप लगाउने भएको छ ।
स्वास्थ्य मन्त्रालयले शुक्रबार सूचना जारी गर्दै पहिलो डोज लगाएकाहरुलाई ३ दिनसम्म चिनियाँ खोप भेरोसेलको दोस्रो डोज लगाउन लागेको जनाएको छ । महानगरपालिकाका ३२ वटा वडाबाटै खोप लगाइनेछ।
जसअन्तर्गत् काठमाडौं महानगरपालिकाभित्र ३२ स्थानमा, कीर्तिपुर नगरपालकिामा १०, चन्द्रागिरि नगरपालिकामा १५, नागार्जुन नगरपालिकाको १०, तार्केश्वर नगरपालिकामा ११, दक्षिणकाली नगरपालिकाको ९ स्थान खोप केन्द्र निर्धारण गरिएको छ ।
यस्तै, बूढानीलकण्ठ नगरपालिकामा १३, टोखा नगरपालिकामा, ११, गोकर्णेश्वर नगरपालिकामा, शंकरापुर नगरपालिकामा, ९ र कागेश्वरी मनोहरा नगरपालिकामा ९ ठाउँमा चिनियाँ भेरोसेल दोस्रो डोज खोप लगाउनका लागि खोप केन्द्र निर्धारण गरिएको छ ।
पालिकाबाहेक काठमाडौं महानगरपालिकाकाभित्रका अस्पतालमा खोप केन्द्र राखिएको छ । जसअन्तर्गत नेपाल प्रहरी अस्पताल, महाराजगञ्ज, शसस्त्र प्रहरी अस्पताल, बलम्बु, बीर अस्पताल, रत्नपार्क, शिक्षण अस्पताल, महाराजगञ्ज, निजामती कर्मचारी अस्पताल बानेश्वर, परोपकार प्रसूतीगृह, स्त्रीरोग अस्पताल, थापाथली र वीरेन्द्र सैनिक अस्पताल, छाउनीमा खोप केन्द्र राखिएको मन्त्रालयले जनाएको छ ।
पहिलो मात्रा खोप लगाएको खोप कार्ड र विद्युतीय दर्ता गरेको प्रिन्ट वा फोटो सहित नम्बर ल्याएको आधारमा खोप दिइनेछ।
