काठमाडौं, २२ असोज । प्रहरी प्रधान कार्यालयले ५ सय ९५ नयाँ प्रहरी भर्ना गर्न लागेको छ।
शुक्रबार एक विज्ञप्ति जारी गर्दै नेपाल प्रहरीले जनपद समूहतर्फ प्रहरी सहायक निरीक्षक र प्राविधिक समूहअन्तर्गत विभिन्न उपसमूहतर्फ प्राविधिक प्रहरी जवान पदहरूमा दरखास्त आह्वान गरेको हो ।
प्रसनिका लागि ३६७ जना माग भएको छ भने प्राविधिक प्रहरी जवानतर्फ २२८ जनाको माग भएको छ।
प्रहरीले महिलालाई ३३ र दलितलाई २३ जनाको कोटा छुट्याएको छ । कात्तिक ३गतेदेखि मंसिर १२ गतेभित्र इच्छुकले फारम भरिसक्नुपर्ने प्रहरी प्रधान कार्यालयले आज गोरखापत्रमा प्रकाशन गरेको सूचनामा उल्लेख छ।
