काठमाडौं, २७ माघ । नेपाली राष्ट्रिय फुटबल टोलीको फिफा वरीयतामा सुधार भएको छ।
विश्व फुटबलको सर्वोच्च संस्था फिफाले पछिल्लो समय सार्वजनिक गरेको वरीयतामा नेपाल दुई स्थान सुधार गर्दै १६७ औं स्थानमा पुगेको हो।
यसअघि नेपाल १६९ औं स्थानमा थियो । नेपालको ९८२.२ अंक छ। नेपालले यही महिना अफ्रिकी राष्ट्र मरिससमाथि दुई खेलमा जित निकालेको थियो।
दक्षिण एसियामा नेपाल भन्दा अगाडि रहेका भारत एक स्थान सुधार गर्दै १०४ औं र माल्दिभ्स १५७ औं स्थानमा छ ।
त्यस्तै भुटान १८५, बंगलादेश १८६ र पाकिस्तान १९७ स्थानमा रहँदा श्रीलंका २०४ औं स्थानमा छ।
नयाँ वरीयताको शीर्ष स्थानमा बेल्जियम यथावत रहेको छ ।
दोस्रो स्थानमा ब्राजिल, तेस्रो स्थानमा फ्रान्स र चौथो स्थानमा अर्जेन्टिना छ। एसियामा शीर्ष तीनमा रहेका इरान, जापान र कोरिया विश्ववरीयतामा २१, २३ र २९ औं स्थानमा छन्।
