काठमाडौं, २६ फागुन । नेपाली बजारमा कीर्तिमान कायम गरेको सुनको भाउ एकै दिन प्रतितोला ३५ सय रुपैयाँले घटेको छ।
विहीवार ३५ सयले घटेर छापावाल सुन प्रतितोला १ लाख २ हजार रुपैयाँमा आइपुगेको नेपाल सुनचाँदी व्यवसायी महासंघले जनाएको छ।
त्यस्तै तेजावी सुनको भाउ १ लाख १ हजार ५ सय रुपैयाँमा झरेको छ।
बुधबार प्रतितोला १ लाख ५ हजार ५ सय रुपैयाँ पुगेको सुनको मूल्य बिहीबार ३ हजार ५ सयले घटेको हो।
आज चाँदी पनि तोलामा ४५ रुपैयाँले घटेको छ। चाँदी प्रतितोला १ हजार ४ सय ५ रुपैयाँमा कारोबार भइरहेको छ।
