काठमाडौं । चीनमा १३३ जना यात्रु बोकेको हवाईजहाज दुर्घटनामा परेको छ ।
युनान प्रान्तको राजधानी कुनमिङबाट ग्वान्जाओका लागि उडेको चाइना इस्टर्न एअरलाइन्सको बोइङ ७३७ जहाज गुवाङ्सी प्रान्तमा दुर्घटनाग्रस्त भएको हो ।
चिनियाँ सरकारी टेलिभिजन सीसीटीभीलाई उद्धृत गर्दै समाचार संस्था एएफपीले जनाए अनुसार उक्त विमान ३स्७ मिनेटमा ग्वान्झावमा अवतरण गर्ने तालिका रहेको थियो ।
सिन्ह्वाका अनुसार उद्धार टोली दुर्घटनास्थलमा परिचालन गरिएको छ। उक्त विमानमा १२ बिजनेश क्लाससहित १६२ सिट रहेको बताइएको छ । घटनाको विस्तृत विवरण आउँन भने बाँकी छ ।
