काठमाडौं । गीतकार खिम केसीको तेस्रो गीत ‘आमा’ शुक्रबारदेखि बजारमा आएको छ । ‘लाटोकोसेरो फिल्म्स’को प्रस्तुती रहेको उक्त गीतमा सनुप पौडेलले स्वर दिएका छन् भने राजन इसानले संगीत भरेका छन् ।
आमाको मुख हेर्ने दिनभन्दा एक दिनअगाडि उक्त गित रिलिज गरिएको हो । आमा९छोरा एक अर्काबाट टाढा रहँदा छोराले मनमा चल्ने हुन्डरीको वरपर यो गीत केन्द्रित छ ।
शब्दमार्फत आफ्नी आमालाई विशेष दिनको कोसेली दिन खोजेका गीतकार केसीले बताए । यो गीतको म्युजिक भिडियोमा रेणु नेपाल र मनीष पौडेल अभिनय गरेका छन् ।
भिडियो सम्पादन र निर्देशन बिजेस राजन र छायांकन नीरज श्रेष्ठले गरेका छन् । एसियन म्युजिक कम्पनीले गीत बजारमा ल्याएको हो ।
अहिले अमेरिकाको क्यालिफोर्नियालाई कर्मथलो बनाएर बसिरहेका केसी साहित्यमा र संगीतमा रुचि राख्छन् । नेपाल रहँदा केसीले झन्डै एक दशक कर्णाली र सुदूरपश्चिमका जिल्लामा सामाजिक अभियन्ताका रूपमा बिताएका छन् ।
मानवशास्त्रमा स्नातकोत्तर केसी गजल लेखनमा पनि सक्रिय छन् । उनका साहित्यिक रचना विभिन्न अनलाइन र पत्रपत्रिकामा प्रकाशित छन् । यसअघि केसीको ‘लुकाएको मेरो माया’ र ‘म जहिले’ गीत आइसकेका छन् ।
