काठमाडौं । ललितपुर महानगरपालिकाको वडा नम्बर १० का नरसिंह व्यञ्जनकार यस पटक पराजित भएका छन् ।
२०२९ सालदेखि अहिलेसम्मका सबै चुनावमा विजयी हुँदै आएका ८१ बर्सिया व्यञ्जनकार आफ्नै भतिजा नेपाली कांग्रेसका रविन व्यन्जनकारसँग पराजित भएका हुन् ।
नरसिंहले ५४३ मत ल्याउँदा भतिजा रबिमान ८२५ मत ल्याएर विजयी भएका हुन् । दुई सय ४७ बढी मतान्तरले रबिमान निर्वाचित भएका हुन् ।
२०७४ सालको चुनावमा नरसिंहले ६७६ मत ल्याएर जितेका थिए । पराजित कांग्रेसका कर्मलाल व्यञ्जनकारको ६०२ मत आएको थियो ।
नरसिंह पञ्चायत, बहुदल र गणतन्त्रमा पनि निरन्तर वडाध्यक्ष जित्ने एक मात्र नेता हुन् ।
