काठमाडौं, १२ जेठ । काठमाडौं महानगरपालिकामा आजदेखि तीनदिन कोभिड–१९ विरुद्धको खोप अभियान सञ्चालन हुने भएको छ ।
काठमाडौं महानगरपालिकाले मोर्डना र फाइजर खोप अभियान सञ्चालन गर्न लागेको हो ।
खोप पहिलो र दोस्रो डोज लगाएको तीन महिना पूरा भएका १८ वर्ष माथिका सबैलाई मोर्डना खोप र १२ वर्षदेखि र १७ वर्षसम्मका नागरिकलाई मोर्डना वा फाइजर खोप दिन सकिने जनाइएको छ ।
महानगरका ३२ वटै वडा कार्यालयका सामुदायिक शहरी स्वास्थ्य क्लिनिक र वडाले तोेकेका स्थानमा बिहान १० देखि दिउँसो ४ बजेसम्म खोप लगाइने छ ।
दोस्रो डोज वा बुस्टर मात्रा लगाउनेले यसअघिको खोप कार्ड र पहिलो मात्रा लगाउन आउनेल परिचय खुल्ने कागजात ल्याउनु पर्ने महानगरपालिकाले जनाएको छ ।
