काठमाडौं, २२ साउन । फ्रेन्च लिग वान अन्तर्गत पीएसजीले नयाँ सिजनको शानदार शुरुवात गरेको छ ।
गएराती सम्पन्न सिजनको पहिलो खेलमा पिएसजीले क्लेर्मोन्ट फूटलाई ५-० गोल अन्तरले पराजित गरेको हो ।
प्रतियोगितामा शानदार सुरुवात गर्ने क्रममा अर्जेन्टिनी फरवार्ड लियोनल मेसीले दुई गोल गर्दा नेयमारले एक गोल गरे। आचर्फ हाकिमी र मार्क्योनसले एकरएक गोल गरे ।
एकपक्षीय खेलमा पीएसजीले पहिलो हाफमा तीन तथा दोस्रो हाफमा दुई गोल गरेको थियो।
ग्रोइन इन्ज्युरीका कारण खेलमा फ्रान्सेली युवा स्टार केलियन एमबाप्पे भने टिममा थिएनन्। जितसँगै पीएसजीले पहिलो खेलबाटै ३ अंक जोडेको छ।
