काठमाडौं । नेपाल राष्ट्र बैंकले आयातमा प्रतिबन्ध लगाएका वस्तुहरुको प्रतितपत्र नखोल्न बैंकहरुलाई निर्देशन दिएको छ । १० वस्तुमा लगाएको आयात प्रतिवन्ध मध्ये ६ वटा वस्तुको हटाउँदै ४ वस्तुमा भने यथावत राखको थियो ।
राष्ट्र बैंकले एक सूचना जारी गर्दै यी वस्तुरुहको प्रतितपत्र नखोल्न भनेको हो । सरकारले गाडी, मोबाइल, मदिरा र मोटरसाइकल आयातमा प्रतिबन्ध लगाएको छ ।
आयात प्रतिबन्ध हटेकोमा कुर्कुरे, कुर्मुरे, लेज र चुरोट तथा सुर्तीजन्य वस्तु, हिरा, रंगिन टेलिभिजन (३२ इन्चभन्दा माथि), सबै प्रकारका खेलौना र तास लगायत रहेको छ ।
विदेशी मुद्रा सञ्चिति घटेर भुक्तानी सन्तुलनमा चाप परेको भन्दै सरकारले गत वैशाख १३ मा विभिन्न १० वस्तुको आयातमा रोक लगाउने निर्णय गरेको थियो ।
आयात प्रतिबन्धलाई असार ३१ गतेदेखि झन कडा बनाउँदै भदौ १४ गतेसम्म कायम हुने निर्णय गरेको थियो । अब भने त्यस्तो प्रतिबन्ध ४ बस्तुमा असोज २८ गतेसम्म कायम रहनेछ ।
विदेशी मुद्राको सञ्चिति घट्न थालेपछि सरकारले चार दर्जन बस्तुको आयातलाई निरुत्साहित गर्दै आएको छ । नेपाल राष्ट्र बैंकका अनुसार कुल विदेशी विनिमय सञ्चिति ९ अर्ब ५४ करोड अमेरिकी डलर रहेको छ । उक्त सञ्चितिले ६.९४ महिनाको वस्तु तथा सेवा आयात धान्न पुग्छ ।
