काठमाडौं । नेकपा माओवादी केन्द्रका नेता जनार्दन शर्माले उपमहासचिव पद अस्वीकार गरेपछि प्रचण्डसँग सवाल जवाफ भएको छ ।
बुधबार अनेरास्ववियू क्रान्तिकारीको क्रान्तिकारी फोर्स घोषणा कार्यक्रममा शर्माले आफू उपमहासचिवका रुपमा नभई संगठन विभाग प्रमुखको हैसियतमा उपस्थित भएको बताएका थिए ।
शर्मा, महासचिवका दावेदार थिए । तर ४ भदौमा देव गुरुङ महासचिव बनाउँदै अध्यक्ष पुष्पकमल दाहाल प्रचण्डले शर्मालाई उपमहासचिव बनाएका थिए ।
बुधबार अखिल क्रान्तिकारीको कार्यक्रममा यसर बारेमो ठूलै चर्चा भयो । अध्यक्ष पुष्पकमल दाहाल ‘प्रचण्ड’ ले जनार्दन शर्मा ‘प्रभाकर’ लाई हुर्काउन मुख्य भूमिका खेलेको दाबी गरेका छन् ।
पार्टीको उपमहासचिव पद अस्वीकार गरेपछि प्रचण्डले जनार्दनको नामै किटान गर्दै भने, ‘जनार्दनले जाँदा जाँदै भन्नुभयो नीति र नेतृत्वको रक्षाको कुरा, जर्नादनलाई रक्षा गर्न र हुर्काउन पनि प्रचण्डको मुख्य भूमिका हो ।’
उनले आफ्नो उत्तराधिकारी तयार पार्न खोजेको बताए । बुधबार अखिल क्रान्तिकारीको कार्यक्रमलाई सम्बोधन गर्दै प्रचण्डले पार्टीका नेताहरूको रक्षा गर्ने र हुर्काउन आफूले मुख्य भूमिका खलेको समेत बताए ।
‘अब मेरो सपना राम्रो उत्तराधिकारी तयार होऊन्, तिनले पार्टीलाई एकताबद्ध गरेर लैजाऊन्, तिनले तामाम क्रान्तिकारीलाई सही स्कुलिङ गरून् । र, हाम्रो विरासत, हाम्रो क्रान्तिकारी परम्परालाई अगाडि बढाऊन्, ठूलो छाति लिएर सबै अगाडि बढून् भन्ने छ,’ उनले भनेका छन् ।
