काठमाडौं । प्रधानमन्त्री तथा नेपाली कांग्रेसका सभापति शेरबहादुर देउवाले गठबन्धनविरुद्ध ठूला षड्यन्त्र भइरहेको बताएका छन ।
कांग्रेस चिवतन जिल्ला समितिले आयोजना गरेको कार्यक्रमलाई सम्बोधन गर्दै प्रधानमन्त्री देउवाले गठबन्धनविरुद्ध ठूलो षड्यन्त्र भएको बताएका हुन् ।
तर कुनैपनि हालतमा गठबन्धन नटुट्ने प्रधानमन्त्री देउवाले बताए । ‘गठबन्धनको खिलापमा ठूलो षड्यन्त्र भइरहेको छ, तर गठबन्धन कुनै हालतमा टुट्दैन।’ उनले गठबन्धनको विरोध नगर्न नेता कार्यकर्ताहरुलाई आग्रह गरेका छन् ।
देउवाले गठबन्धनको विरोध गर्नु पार्टीविरूद्ध हुने पनि बताए । उनले भने, ‘कुनै पनि शक्तिले वर्तमान गठबन्धनलाई भत्काउन सक्दैन। गठबन्धन टुटाउन षड्यन्त्र भइरहेको छ।’ पार्टीको फाइदा हुने गरेर सिट बाँटफाँट गरिने भन्दै प्रधानमन्त्री देउवाले पार्टीलाई एक बनाउन लाग्न कार्यकर्तालाई आग्रह गरे ।
देउवाले केपी ओलीको सरकारबाट आत्तिएर कार्यकर्ताले हटाउनु पर्यो भनेपछि गठबन्धन बनेको उनले बताए । गठबन्धन नहुँदा केपी ओलीको मनोमानी चल्ने गरेको उनले बताए ।
प्रजातन्त्र सुदृढीकरणका लागि बीपीको भूमिका अग्रणी रहेको बताए । पार्टीलाई बेफाइदा हुनेगरी सिट बाँटफाँट नहुने उनले बताए । गृहमन्त्री बालकृष्ण खाँणले गठबन्धन निर्वाचनमा जाँदा कांग्रेसका केही साथीहरुलाई मर्का पर्ने भएपनि स्वीकार गर्नुपर्ने बताए।
