काठमाडौं । नेकपा एमालेका अध्यक्ष केपी शर्मा ओलीले गठबन्धन आवद्ध दलको बुथ कब्जा गर्ने रणनीति भएको आफूले थाहा पाएको बताएका छन् ।
लोकतान्त्रि तमु संघको दोश्रो राष्ट्रिय सम्मेलनको उद्घाटन गर्न मंगलबार पोखरा पुगेका अध्यक्ष ओलीले कुन–कुन जिल्लाको कुन–कुन बुथ कब्जा गर्ने भन्ने रणनीति बनाएको आफूलाई जानकारी आएको बताए ।
प्रहरी र प्रशासनलाई निस्पक्ष भूमिका निर्वाह गर्न आग्रह गर्दै उनले भने ‘कुट्ने, काट्ने, मार्ने र थुनाउने योजना बनाएका छन् । कांग्रेस आफै सत्तामा बसेर चुनाव गराउन नपाए भाग नलिने भन्नुको अर्थ यही रहेछ ।’
चुनावको मुखमा जनता भड्किन्छन् भनेर अहिले एसपीपी रोकिएको हो, चुनावपछि सरकार बनाउन पाए कांग्रेसले एसपीपी पारित गर्ने बताए ।
माधव नेपालको पार्टीले थ्रेसहोल्ड नकटाउने दाबी गरे । नेपालको पार्टीमा खास कार्यकता नै नरहने दाबी गरे । उनले भनेका छन्, ‘यो भविष्यवाणी लेखेर राख्नुस्, माधव नेपालले ३ प्रतिशत पनि कटाउँदैन, एक सिटसम्म जिताइदिनू ।’
माधव नेपालको पार्टीसँग विचारै नभएको, बरु देश बर्बाद पार्नेमध्ये एक भएको उनको आरोप छ ।
