काठमाडौं, २३ असोज । नेपाली बजारमा सुनको मूल्य एकैदिन तोलाको ३ हजारले बढेको छ ।
नेपाल सुनचाँदी व्यवसायी महासंघका अनुसार आइतबार सुनको मूल्य तोलामा ३ हजार रूपैयाँले बढेर प्रतितोला ९६ हजार रुपैयाँमा कारोबार भैरहेको छ ।
दशैँका कारण ९ दिनदेखि सुनको नयाँ मूल्य कायम गरिएको थिएन।
त्यसैगरी, तेजावी सुनको मूल्य पनि ३ हजारले नै बढेर तोलाको ९५ हजार ५ सय रुपैयाँ कायम भएको छ ।
त्यस्तै, आज चाँदीको मूल्य पनि बढेको छ । चाँदीको मूल्य पनि तोलामा ८५ रुपैयाँले बढेर प्रतितोला १ हजार २ सय ५५ रुपैयाँमा कारोबार भएको महासंघले जनाएको छ ।
