पोखरा । नवौं राष्ट्रिय खेलकुदअन्तर्गत पौडीतर्फ त्रिभुवन आर्मी क्लबकी गौरिका सिंहले पहिलो स्वर्ण जितेकी छिन् ।
अस्वस्थताका कारण ४ वटा इभेन्ट छाडेकी गौरिकाले आइतबार १ सय मिटर ब्याकस्ट्रोकमा स्वर्ण पदक जितेकी हुन्।
गौरिकाले १ मिनेट ५.५ सेकेन्डको समय निकाल्दै १ सय मिटर ब्याकस्ट्रोकमा स्वर्ण पदक जितेकी हुन् ।
यसअघि गौरिकाले ८ सय मिटर फ्रि स्टाइल तथा २ सय मिटर फ्रिस्टाइल छाडेकी थिइन्। पेट दुखेर वान्ता भएपछि शनिबार १ मिटर फ्रि स्टाइलको फाइनल राउन्ड र २ सय मिटर ब्याक स्ट्रोकबाट उनले नाम फिर्ता लिएकी थिइन्।
१ सय मिटर फ्रि स्टाइल र २ सय मिटर फ्रिस्टाइलको हिटमा भाग लिएर गौरिकाले फाइनल राउन्ड छाडेकी थिइन्।
