काठमाडौं । अस्ट्रेलियामा जारी आईसीसी ट्वान्टी–२० विश्वकपमा युनाइटेड अरब इमिरेट्स (यूएई)का कार्थिक मयप्पनले ह्याट्रिक विकेट लिएका छन् ।
श्रीलंकाविरुद्ध यूएईका मयप्पनले १५ औँ ओभरको चौथो, पाँचौँ र छैटौँ बलमा लगातार तीन विकेट लिएका हुन् । जारी विश्वकपमा यो पहिलो ह्याट्रिक हो ।
सन् २००७ देखि सुरु भएको ट्वान्टी–२० विश्वकपमा यो पाँचौँ ह्याट्रिक हो । विश्वकपमा पहिलो ह्याट्रिक अस्ट्रेलियाका तीव्र गतिका बलर ब्रेट लीले बंगलादेशविरुद्धको खेलमा लिएका थिए ।
