काठमाडौं । नवौं राष्ट्रिय खेलकुद प्रतियोगिताअन्तर्गत एथलेटिक्सको महिला ५ हजार मिटर दौडमा बागमती प्रदेशकी सन्तोषी श्रेष्ठले स्वर्ण पदक जितेकी छन् ।
पोखरा रंगशालामा बुधबार भएको खेलमा सन्तोषीले स्वर्ण जित्न सफल भएकी हुन् ।
सन्तोषीले निर्धारित दूरी १७ मिनेट ०५.२९ सेकेन्डमा पूरा गर्दै नवौँ राष्ट्रिय खेलकुदमा दोस्रो स्वर्ण जितिन् ।
त्यस्तै, नेपाल पुलिस क्लबकी राजपुरा पछाईले रजत पदक जितिन् । राजपुराले १७ मिनेट १२.०५ सेकेन्डमा दूरी पूरा गरिन् । आर्मीकी पुर्णलक्ष्मी न्यौपानेले १८ मिनेट ०३.०० सेकेन्डमा पूरा गर्दै कास्य पदक जितिन् ।
जारी प्रतियोगिताका सन्तोषीको यो दोस्रो स्वर्ण पदक हो । यसअघि उनले १० हजार मिटर दौडमा पनि स्वर्ण हात पारेकी थिइनन् ।
