काठमाडौं । कतार विश्वकप फुटबलको फाइनल खेल पोल्याण्डका रेफ्रीले खेलाउने भएका छन् ।
विश्व फुटबलको सर्वोच्च निकाय फिफाले आइतबार फ्रान्स र अर्जेन्टिनाबीचको फाइनल खेलका लागि पोल्याण्डका सिजमोन मार्सिनीकलाई रेफ्री तोकेको हो ।
कतारको लुसेल स्टेडियमा नेपाली समय अनुसार राति पौने ९ बजे फाइनल खेल हुँदैछ ।
पोल्याण्ड अहिलेसम्म विश्वकपको फाइनलनमा नपुगेकाले पनि मार्सिनीक विश्वकपको फाइनलमा नेतृत्व गर्ने पहिलो पोल्याण्डका नागरिक पनि बन्ने छन् ।
मार्सिनीकले डेनमार्क र फ्रान्सबीचको समूह चरणको खेलमा रेफ्री रहेका थिए । यसैगरी राउन्ड अफ १६ मा अर्जेन्टिना र अष्ट्रेलियाबीचका खेलमा पनि रेफ्री रहेका थिए ।
यस्तै उनलाई पावेल सोकोलनिकी र टमसाज लिस्टकिवक्जले सहयोग गर्ने छन् । ४१ वर्षिय मार्सिनीकले युईएफए च्याम्पियन्स लिगमा रेफ्री गरेका छन् भने युरो २०१६ मा यो भूमिकामा रहेका थिए ।
