काठमाडौं । नयाँ बानेश्वरस्थित संसद भवनअघिको सडकमा आत्मदाहको प्रसास गरी अहिले जीवन–मरणको दोसाँधमा रहेका प्रेमप्रसाद आचार्य सन्तोषले आफ्नो फेसबुकमा मार्मिक स्टाटस लेखेको फेला परेको छ ।
सामाजिक सञ्जालमा लामो स्टाटस लेख्दै उनले देशमा गरिखाने अवस्था नभएकोले आफूले मृत्यु रोज्न खोजेको लेखेका छन् ।
विभिन्न उद्योग व्यवसायमा असफलता पाएको, ऋण लागेको, सरकारले उद्योग व्यवसायलाई सहयोग नगरेको जस्ता कारणबाट आफू विचलित भएको सबै कथा उनले फेसबुकमा लेखेका छन् ।
आफूलाई युवा उद्यमी भन्दै ३६ वर्ष पार गर्दा पनि गरिएको कुनैपनि कामबाट केही उपलब्धि हासिल नभएको भन्दै असफलताको कथा लेखेको बताएका छन् ।
