एजेन्सी । डिफेन्डिङ च्याम्पियन लिभरपुल एफए कपबाट बाहिरिएको छ । चौथो चरणको खेलमा लिभरपुल ब्राइटनसँग २-१ गोल अन्तरले पराजित भएसँगै एफए कपबाट बाहिरिएको हो । ब्राइटनको जितमा लेविस डंक र कओरु मिटोमाले एक एक गोल गरेका थिए ।
मिटोमाले खेलको ९० मिनेटपछिको अतिरिक्त समयमा गोल गर्दै लिभरपुललाई स्तब्ध पारेका थिए । त्यस्तै लिभरपुलका लागि हार्भी एलीओटले एक गोल गरेका थिए ।
लिभरपुल एफए कपको डिफेन्डिङ च्याम्पियन थियो । जितपछि ब्राइटन एफए कपको पाँचौं चरणमा प्रवेश गरेको छ ।
गत सिजन यही समयमा लिभरपुल प्रतिष्ठित चार उपाधि प्रिमियर लिग, च्याम्पियन्स लिग, लिग कप र एफएकपको दाबेदारका रुपमा रहेको थियो। तर सिजनको अन्तमा लिभरपुल कार्वाओकप र एफए कप मात्र जित्न सफल भयो। तर यो सिजन लिभरपुलको लागि झनै निराशाजनक रहेको छ।
