काठमाडौं । नेपाल राष्ट्र बैंकका पहिलो गभर्नर हिमालयशमशेर जबराको ९५ वर्षको उमेरमा निधन भएको छ । काठमाडौंस्थित नर्भिक अस्पतालमा उपचाररत राणाको आइतबार बिहान साढे ६ बजे निधन भएको पारिवारिक स्रोतले जनाएको छ । उनी नेपालको पहिलो गभर्नर तथा पूर्वअर्थसचिव हुन् ।
उनले वि.सं. २०१३ देखि २०१७ सम्म नेपाल राष्ट्र बैंकको पहिलो गभर्नरका रुपमा काम गरेका थिए भने उनलाई राजा महेन्द्रले गभर्नरमा नियुक्त गरेका थिए । उनले आफ्नो कार्यकालमा भारतीय मुद्रा मात्रै प्रचलनमा भएको तराई क्षेत्रमा नेपाली मुद्रा लागू गरेका थिए ।
