काठमाडौं । भारतीय क्रिकेट कन्ट्रोल बोर्ड (बीसीसीआई) ले पहिलोपटक आयोजना गर्न लागेको वुमन्स प्रिमियर लिग (डब्लूपीएल)को अक्सनमा राष्ट्रिय टोलीकी कप्तान रुबिना क्षेत्रीसहित ५ नेपाली खेलाडीले पनि नाम दर्ता गराएका छन् ।
नेपालबाट कप्तान रुबिनासहित अलराउन्डर सीता रानामगर, तीव्र गतिकी बलर कविता कुँवर, अस्मिना कर्माचार्य र ब्याटर इन्दु बर्माले अक्सनमा नाम दर्ता गराएका हुन् ।
पाँच टोलीको प्रतिस्पर्धा रहने प्रतियोगिता ४ मार्चदेखि सुरु हुने बताइएको छ । प्रतियोगितको १५०० खेलाडी दर्ता भएका छन् भने अन्तिम लिस्ट यो हप्ताको अन्तिममा आउने भएको छ।
