काठमाडौं । शुभम पावर लिमिटेडको प्राथमिक साधारण सेयर (आइपीओ) बाँडफाँड भएको छ । कम्पनीको सेयर निष्काशन तथा विक्री प्रबन्धक मुक्तिनाथ क्यापिटल आज बिहान आइपीओ बाँडफाँड गरेको हो ।
क्यापिटलका अनुसार गोलाप्रथाबाट ४८ हजार १८६ जनाले १० कित्ताका दरले सेयर हात पारेका छ भने २ जनाले ११ कित्ताका दरले सेयर पाएका छन् । साढे १२ लाख बढीको हात रित्तो भएको छ ।
कम्पनीले माघ १८ गतेदेखि सर्वसाधरणका लागि विक्रीमा ल्याएको प्रतिकित्ता १०० रुपैयाँ दरले ४ करोड ८१ लाख ८२ हजार २०० रुपैयाँ बराबरको ४ लाख ८१ हजार ८२२ कित्ता आइपीओ विक्रीमा ल्याएको थियो ।
कम्पनीको आइपीओको रिजल्ट ३ ठाउँबाट हेर्न सकिने छ । लगानीकर्ताले https://iporesult.cdsc.com.np/ मा गएर १६ अंकको डिम्याट नम्बर हालेपछि सजिलै हेर्न सक्नेछन् ।
यसैगरी, विक्री प्रबन्धक मुक्तिनाथ क्यापिटलको वेबसाइट र शुभम पावरको वेबसाइटबाट पनि नतिजा हेर्न सकिने छ । यद्यपि, भर्खरै मात्र आइपीओ बाँडफाँड भएकाले नतिजा आउन केही समय लाग्ने जनाइएको छ ।
