काठमाडौं । दाङमा खाना पकाउने ग्याँस सिलिण्डर पड्किँदा तुलसीपुर उपमहानगरपालिका-१६ को लहलौराका ५० वर्षीया कुसुम केसी र चितवनको भरतपुर महानगरपालिका घर भई तुलसीपुर- १६ बस्ने २९ वर्षीय आशिष खनाल घाइते भएका छन् ।
घाइते केसीको कम्मरमुनिको भाग जलेको छ भने खनालको दुवै हात र खुट्टा जलेको छ । लहलौरास्थित कृषि बीउ उत्पादन कम्पनीमा विहान साढे ८ बजेको समयमा खाना पकाउने क्रममा ग्याँस लिक हुँदा सिलिण्डर पड्किएको प्रहरीले जनाएको छ ।
