एजेन्सी । अष्ट्रेलियामाथि घरेलु टिम भारतले लगातार दोस्रो जित निकालेको छ। दिल्ली रंगशालामा भएको टेस्टको तेस्रो दिनमा नै आयोजकले पाहुना टिमलाई ६ विकेटले हराउँदै शृंखलामा २–० को अग्रता बनाएको हो।
दोस्रो इनिङमा अष्ट्रेलिया ११३ रनमै अलआउट भएपछि भारतले ११५ रनको सहज लक्ष्य पाएको थियो। पहिलो इनिङमा ३ विकेट र दोस्रो इनिङमा ७ विकेट गरी कुल १० विकेट लिएका रविन्द्र जडेजा प्लेयर अफ दि म्याच भए।
जितपछि भारतले विश्व टेस्ट च्याम्पियनसिपमा १६ खेलबाट १२३ अंक जोडेको छ। भारत दोस्रो स्थानमा छ। शीर्ष स्थानको अष्ट्रेलियाको १७ खेलबाट १२६ अंक छ।
