काठमाडौं । नाबालिग बलात्कारको अभियोग लागेका राष्ट्रिय क्रिकेट टिमका खेलाडी सन्दीप लामिछानेलाई पुनः थुनामा राखेर अनुसन्धान अगाडी नबढाउन सर्वोच्च अदालतले आदेश दिएको छ।
न्यायाधीश सपना मल्ल प्रधान र कुमार चुडालको इजलासले पुनः थुनामा राखेर अनुसन्धान अगाडी नबढाउन नपर्ने भन्दै उच्च अदालतले धरौटीमा छोडन दिएको आदेश सदर गरेको हो । उच्च अदालत पाटनले पुस २८ गते लामिछानेलाई सशर्त २० लाख धरौटी बुझाएर थुनामुक्त गर्न आदेश दिएको थियो। आदेशअनुसार धरौटी रकम बुझाएर पुस २९ गते लामिछाने थुनामुक्त भएका थिए।
विदेश जान र काठमाडौं उपत्यका छोड्न रोक लगाइएको थियो। अदालतले तोकेको शर्त नमाने यो आदेश तत्काल रद्द हुने भनिएको थियो। तर क्रिकेट खेल्न विदेश जानुपर्ने भएको भन्दै लामिछानेले सर्वोच्च अदालतमा निवेदन दिएका थिए।
