काठमाडौं । शेयर बजार दोहोरो अंकले घटेको छ । साताको कारोबारको चौंथोदिन शेयर बजार मापक सूचक(नेप्से) २४.४४ अंकले घटेर १९९५.४९ विन्दुमा झरेको हो ।
नेपाल स्टक एक्सचेन्जका अनुसार बुधवार २५७ कम्पनीको १ अर्ब २८ करोड ८३ लाख ६३ हजार ४२४ रुपैयाँ बराबरको ३७ लाख २९ हजार ९७९ कित्ता शेयर किनबेच भएका छन् । कारोबारमा आएको १३ वटा समूहको परिसूचक घटेको छ ।
अघिल्लो दिनको तुलनामा कारोबार रकममा घटेको छ । मंगलवार १ अर्ब ३८ करोड ७८ लाख ६५ हजार ५१५ रुपैयाँ बराबरको कारोबार भएको थियो ।
घट्दो बजारमा एक कम्पनीको शेयर मूल्यमा पोजेटिभ सर्किट लागेको छ । आदर्श लघुवित्त वित्तीय संस्थाको शेयरमूल १० प्रतिशतले बढेको छ ।
कारोबारको आधारमा आज सबैभन्दा बढी अपर तामाकोशीको भएको छ ।
