काठमाडौं । शेयर बजारमा उच्च अंकले बढेको छ । साताको कारोबारको अन्तिमदिन शेयर बजार मापक सूचक (नेप्से) ५०.४ अंकले बढेर २००२.७० विन्दुमा पुगेको हो ।
नेपाल स्टक एक्सचेन्जका अनुसार विहीवार २६२ कम्पनीको १ अर्ब ५६ करोड ५५ लाख ५८ हजार ८०२ रुपैयाँ बराबरको ४५ लाख ६६ हजार ४३ कित्ता शेयर किनबेच भएका छन् ।
अघिल्लो दिनको तुलनामा कारोबार रकम बढेको छ । मंगलवार १ अर्ब २० करोड ४४ लाख ९ हजार ४११ रुपैयाँ बराबरको कारोबार भएको थियो । भएको थियो ।
आज कारोबारमा आएका १३ वटै उपसमूहको परिसूचकमा हरियाली छाएके छ । हाइड्रोपावर समूहको परिसूचक सबैभन्दा धेरै ३.५९ प्रतिशतले बढेको छ ।
आज शिवम् सिमेन्टको सर्वाधिक कारोबार भएको छ । यसको पौने ८ करोड रुपैयाँ बढीको शेयर किनबेच भएको छ । त्यस्तै, हिमालयन डिस्ट्रीलरीको साढे ५ करोड र अरुण काबेली साढे ४ करोडको कारोबार हुँदै शीर्ष तीनमा रहे ।
