काठमाडौं । सर्वोच्च अदालतले प्रधानमन्त्री पुष्पकमल दाहाल‘प्रचण्ड’विरुद्ध दायर रिटमा निवेदकले माग गरे अनुसारको आदेश दिनु नपर्ने फैसला गरेको छ ।
न्यायाधीश ईश्वर खतिवडाको इजलासले अधिवक्ता ज्ञानेन्द्रराज आरणसहितले दायर गरेको रिटमा अन्तरिम आदेश जारी गर्न अस्वीकार गर्दै कारण देखाउ आदेश जारी गरेको हो।
दश वर्षसम्म चलेको सशस्त्र द्वन्द्वको समयमा भएको मानिसको मृत्युमध्ये पाँच हजारको जिम्मा आफूले लिने भनेपछि प्रचण्ड विवादमा तानिएका थिए। द्वन्द्वपीडित परिवार एवं अधिवक्ता ज्ञानेन्द्रराज आरणसहितले उनीविरुद्ध रिट दायर गरेका हुन्।
विपक्षी बनाइएका प्रचण्डसहित प्रधानमन्त्री कार्यालय, गृह, रक्षा, कानुन मन्त्रालय र प्रहरी प्रधान कार्यालयविरुद्ध कारण देखाउ आदेश जारी गरेको छ ।
संक्रमणकालीन न्यायसम्बन्धी विषय भएकाले समयमै टुङगाउन इजलासबाट रिटलाई अग्राधिकार दिने आदेश भएको छ ।
