काठमाडौं । नेपाल टेलिकमको भोल्टी भ्वाइस सेवामा समस्या देखिएको छ । बुधबार बिहान टेलिकमको सुूचना जारी गर्दै समस्याबारे जानाकारी गराएको हो ।
फोरजी एलटीई प्रविधिमै एचडी भ्वाइस तथा भिडिओ कल गर्न सकिने गरी ल्याइएको सेवामा समस्या देखिँदा यसबाट केही प्रयोगकर्ता प्रभावित भएका हुन् । कम्पनीका डाटा तथा भ्वाइस सेवाहरु निर्वाध रुपमा चलिरहेको टेलिकमले जनाएको छ ।
छोटो समयका लागि ग्राहकहरुमा पर्नगएको असुविधाप्रति क्षमा माग्दै कम्पनीले सेवाहरु यथावत् रुपमा प्रयोग गर्न कुनै कठिनाई महशुस भएमा मोबाइल स्वीच अफ गरी अन गर्न अनुरोध गरेको छ ।
