काठमाडौं । नेपाल स्टक एक्सचेन्ज (नेप्से)मा दुई कम्पनीको आइपीओ सूचीकृत भएको छ । नेप्सेमा बुधबार कालिञ्चोक दर्शन र एशियन हाइड्रोपावरको आइपीओ सूचीकृत भएको हो ।
नेप्सेका अनुसार कालिञ्चोक दर्शन (स्थानीय, सर्वसाधरण र संस्थापक गरी)को कुल ६० लाख कित्ता सेयर सूचीकरण भएको हो । नेप्सेले कम्पनीको पहिलो कारोबारका लागि न्यूनतम ७८.१५ रुपैयाँदेखि अधिकतम २३४.४५ रुपैयाँ ओपनिङ रेन्ज तोकेको छ । KDL संकेत चिह्नमा यसको कारोबार खुला हुनेछ ।
यस्तै, एशियन हाइड्रोपावरको ३४ लाख कित्ता सेयर सूचीकरण भएको हो । यसको पहिलो कारोबारका लागि नेप्सेले ९९.६० रुपैयाँदेखि अधिकतम २९८.८० रुपैयाँ ओपनिङ रेन्ज तोकेको छ । कम्पनीको कारोबारका लागि नेप्सले AHL संकेत चिह्न प्रदान गरेको छ ।
नेप्सेमा सूचीकरण भएसँगै दुवै कम्पनीको सेयर बिहीबारदेखि कारोबारमा आउने छ । यद्यपि, भोलि प्रिओपन सेसनमा कारोबार हुन नसके नियमित सेसनमा कारोबारमा आउने छैन ।
