काठमाडौं, १० जेठ । चालु आर्थिक वर्षको हालसम्म ६३८ मेगावाट विद्युत उत्पादन भएको छ ।
आगामी आर्थिक वर्ष २०७९/०८० को नीति तथा कार्यक्रम संसद्को दुवै सदनमा प्रस्तुत गर्दै राष्ट्रपति विद्यादेवी भण्डारीले विषम परिस्थितिमा पनि चालु वर्षको यो अवधिसम्म ६३८ मेगावाट विद्युत उत्पादन थपिएको बताइन् ।
त्यसैगरी यस वर्ष ३२५ किलोमिटर सडक कालोपत्रे र एक सय पुल निर्माण गरिएको छ।
त्यसैगरी ९६ प्रतिशत नागरिकलाई खोप लगाएको उल्लेख छ।
सबै छिमेकी र मित्र राष्ट्रसँग समान सम्बन्ध राखिएको उल्लेख छ। भारत र चीनबाट भएको उच्चस्तरीय भ्रमणले सम्बन्ध थप सुदृढ बनाएको नीति तथा कार्यक्रममा उल्लेख छ।
गौतमबुद्ध अन्तर्राष्ट्रिय विमानस्थल सञ्चालनमा ल्याइएको र पोखरा विमानस्थल चाँडै सञ्चालनमा ल्याइने उल्लेख गरिएको छ।
