काठमाडाैं । वर्षातको समयमा तराईका विभिन्न भागहरुमा डेंगुको प्रकोप बढेको समाचारहरुमा आइरहेका छन् ।
लामखुट्टेको टोकाईबाट सर्ने यो रोगको समयमै उपचार भएन भने बिरामीको ज्यानै समेत जान सक्छ ।
वयष्क मानिसको तुलनामा बच्चाहरुमा डेंगु रोग लाग्ने जोखिम सबैभन्दा धेरै हुन्छ । बच्चाहरुको शरीर कमजोर हुने र रोग प्रतिरोधक क्षमता पनि कम हुने भएको कारण बच्चाहरुलाई यो रोगले छिटो आक्रमण गर्छ ।
डेंगु लाम्खुट्टेको टोकाईबाट सर्ने एक प्रकारको सरुवा रोग हो । डेंगु रोगको लक्षण सजिलै थाहा पाउन सकिन्छ । निरन्तर ज्वरो आउनु यसको सबैभन्दा ठुलो लक्षण हो ।
थाहा पाइराखौं डेंगुका लक्षणहरुः
लक्षण
— ज्वरो धेरै आउनु
— भोक कम लाग्नु
— कमजोर हुनु
— छालामा दाग हुनु
— खोकी लाग्नु
— शरीर दुख्नु
कसरी बच्ने ?
— डेंगुको लक्षण देखिना साथै स्वास्थ्य संस्थामा गएर परीक्षण गर्ने र रोग लागको पुष्टी भएमा तुरुन्त उपचार गर्ने ।
— डेंगु र ज्वरोबाट बच्नको लागि धेरै भन्दा धेरै तरल पदार्थ सेवन गर्ने ।
— बच्चाहरु धेरै चिल्लो र मसालेदार खानेकुराबाट टाढा राख्दै केही मात्रामा पौष्टिक पदार्थ भएको खानेकुराहरु खुवाउने ।
— यस्तो अवस्थामा बच्चाहरुलाई सजिलै पच्ने खानेकुराहरु जस्तै सूप, फलफूल, उमालेको तरकारीहरु खान दिनुपर्छ ।
— स्तनपान गरीरहेको बच्चा छ भने बच्चाको सतनपान रोक्नु हुन्न । आमाको दुधका धेरै मात्रामा पौष्टिक तत्व पाइन्छ । जसले रोगसँग लड्न सहयोग गर्छ ।
—लामखुट्टेको टोकाइबाट बच्न सुत्दा झुलको प्रयोग गर्ने झुलको सट्टामा लिक्विड भ्यापोराइजर र धुपको प्रयोग पनि गर्न सकिन्छ ।
— घर तथा वरिपरिको वातावरण सफा र स्वच्छ राख्ने, लामखुट्टे बस्ने पानीको खाल्डोहरु पुर्ने । (एजेन्सी)
