काठमाडौं । कात्तिक महिनामा उपभोक्ता मुद्रास्फीति (महँगी) ५.३८ प्रतिशत रहेको तथ्यांक सार्वजनिक भएको छ। नेपाल राष्ट्र बैंकले बिहीबार सार्वजनिक गरेको चालू आर्थिक वर्ष २०८०/८१ को चार महिनाको वित्तीय स्थितिअनुसार अघिल्लो वर्षको कात्तिकमा महँगी ८.०८ प्रतिशत थियो। यो २५ महीना यताकै न्यून मूल्यवृद्धि दर हो।
२०७८ असोजमा मूल्यवृद्धि दर ४.२४ प्रतिशत थियो। त्यसपछि मूल्यवृद्धि दर उकालो चढ्न शुरू गरेर दुई वर्ष उच्च विन्दुमा कायम रहेको थियो। गत असोजमा मूल्यवृद्धि दर ७.५ प्रतिशत थियो। गत आर्थिक वर्ष २०७९/८० मा मूल्यवृद्धि दर ७.७४ प्रतिशत थियो।
त्यस्तै अमेरिकी डलर संचिति ३ वर्ष यताकै धेरै भएको छ । नेपाल राष्ट्र बैंकले बिहीबार सार्वजनिक गरेको चालु आर्थिक वर्षको चौथो महिना (कात्तिकसम्म)को तथ्यांक अनुसार डलर संचिति १२ अर्ब ७५ करोड पुगेको छ । यो राष्ट्रिय ढुकुटीमा जम्मा भएको ३५ महिना यताकै धेरै डलर हो । यसअघि सन् २०२१ जनवरीमा १२ अर्ब ७७ डलर संचिति करोड थियो ।
रेमिट्यान्स आप्रवाहमा वृद्धि, पर्यटकको आवगमन बढ्नु र विदेशी वस्तुको आयात घट्दा डलर संचिति लगातार बढेको हो ।
शोधनान्तर स्थिति रु.१४७ अर्ब ११ करोडले बचतमा रहेको छ । कुल विदेशी विनिमय सञ्चिति १,६९६ अर्ब ७८ करोड र अमेरिकी डलरमा १२ अर्ब ७५ करोड रहेको छ । नेपाल सरकारको खर्च रु. ३५५ अर्ब ६३ करोड र राजस्व परिचालन रु.२७६ अर्ब ६४ करोड रहेको छ ।
विदेशी मुद्रा सञ्चिति हालसम्मकै धेरै, एक वर्षभन्दा बढीको आयात धान्ने
उपभोक्ता मुद्रास्फीति ५.३८ प्रतिशत, घ्यू तेल र तरकारीको मूल्य कम
घट्यो विदेश जानेको संख्या, एक लाख ३७ हजारले लिए श्रम स्वीकृति
शोधनान्तर स्थिति १ खर्ब ४७ अर्बले बचतमा
२६ प्रतिशत बढ्यो रेमिट्यान्स, चार महिनामा ४ खर्ब ७७ अर्ब भित्रियो
